Umnyaka Omutsha ---- #19

Ukulahleka komnyaka omutsha owesizwe sikaMthwakazi

Abantu bonke ubani lobani kule inyanga siyambonga uNkulunkulu ukuthi usigcinile emhlabeni sawungena umnyaka omutsha. Abanengi bedlule kulo umhlaba kabawungenanga.

Kodwa okumele sikwazi njalo sihlale sikufundisa inzalo yethu yikuthi lo umnyaka omutsha ngokudalwa kukaNkulunkulu kayisiwo mnyaka omutsha wethu thina abayinzalo njalo abahlezi ku Southern Hemisphere yomhlaba. Ngumnyaka omutsha walabo abayinzalo njalo behlezi ku Northern Hemisphere yomhlaba.

Umhlaba ngokudalwa kuka Nkulunkulu kawuphethi uphinde uqalise ngenyanga lelanga elilodwa. Uyatshiyana I northern le southern hemisphere, ngoba ukuphetha lokuqala komnyaka kulandela umkhathi womhlaba ‘seasons'. Akulandeli ukufuna komuntu or a group of people. Ngalokho ke ama seasons awe northern hemisphere ayatshiyana lawe southern hemisphere kawaqondani.

UMGUBHO WENXWALA

KuMgubho weNxwala yiso isikhathi se festive season losuku olwekhisimusi yethu thina uMthwakazi kusuka ngeSiko le Sintu sikaMthwakazi. INxwala yenziwa ihlanganise ukugqiba umnyaka omdala lokuvula umnyaka omutsha.

NHLOLANJA- FEBRUARY

Inyanga kaFebruay uNhlolanja yiyo inyanga ephetha umnyaka womhlubulo wase southern hemisphere. Nguye ongu December we southern hemisphere ngokubala umnyaka okwabantu be northern hemisphere okuyikho osekwagcwaliswa umhlaba wonke.

MBIMBITHO -MARCH

Inyanga kaMarch uMbimbitho yiyo esungula umnyaka omutsha kumhlubulo wase southern hemisphere. Nguye ongu January we southern hemisphere.

Ngakho ke the festive season yakoMthwakazi runs for one full month during the last two weeks of February and the first two weeks of March. The festivity month is called INXWALA. Isizwe sonke sidlala imigubho lemikhosi eminengi kuzigaba ezehlukeneyo zelizwe likaMthwakazi eyokuphetha lokusungula umnyaka ngalesi isikhathi seNxwala.

USUKU LOKUPHETHA UMNYAKA 2022

Kulo umnyaka ka 2022 usuku lokuphetha umnyaka ngapha koMthwakazi eSouthern Hemisphere lumhlaka 22 February. NgeSintu le Siko lakoMthwakazi usuku lokuphetha umnyaka lubalwa ngokufa kweNyanga. Inyanga izakufa mhlaka 22 February kunyanga kaFebruary kulo umnyaka. Ngelanga elilandelayo liyabe lingeliMnyama.

NgeSintu sakoMthwakazi ilanga elimnyama lilanga lokuphumula lokubonga uNkulunkulu. Akusetshenzwa ngaphandle kokupheka and families bahlangane babendawonye banikane izipho. Izalindwa ke inyanga ize ibonwe zindwangu, iyefuthi ibonwe ngabantu. Yilo leli ilanga elibalusuku olutsha oluqalisa inyanga entsha.

USUKU LOKUVULA UMNYAKA OMUTSHA NGO 2022

Kulo umnyaka ka 2022 ilanga elizavula umnyaka omutsha lizakuba mhlaka March 5. Kulapha inyanga ezaqala ukubonwa ngabantu isiqale yabonwa zindwangu kuphela.

Yilo ke ilanga elizakuba ngele New Year yase southern hemisphere lonyaka ngo 2022. Yilo ke leli ilanga elokwenziwa koMkhosi omkhulu woku Chinsa odlalwa ilizwe lonke lukhokhelwe ngabembatha ingubo ezimnyama zodwa amaWosana kaNkulunkulu. Wona aqala aqubuke kuqala esuka kundawana zonke ayebuthana ngobunengi bawo eNtabeni yase Njelele. NgeSiko leSintu sikaMthwakazi yiwo umgubho festival yokuthokozelela ilanga lomnyaka omutsha lokubonga izulu lokudla kuNkulunkulu. Besuka lapho sebesiyakhokhela imigubho yokuChinsa ezigabeni zelizwe lapha abasuke khona, kuChinse umuntu wonke ezigabeni zonke kubongwe ukudla lezilu lempilo enhle kuNkulunkulu.

ISILIMUKISO:

Thina abase southern hemisphere sesavumela ukugabhelwa ngabase northern hemisphere bathatha imithetho lemikhuba kunye lamaSiko abo bazalahlela kwabakithi eSouthern hemisphere sonke sesiphila amanga ngokulahlela phansi okwakithi eSouthern hemisphere. Kasisaphili ngendlela esayiphiwa nguNkulunkulu ngapha kwele southern hemisphere. Sesaba ngomalandela,omalingisela labomabuka labomancintisana nje.

Zinengi ke izigangi e northern hemisphere esezidale amanga empilo amanengi zafundisana wona zaze zafundisa lathi abe southern hemisphere ukuthi siphile amanga abo ngokufuna ukuthi abakhokhela ukuphila kwabantu bonke emhlabeni yonke into ephilisa umuntu emhlabeni ibuzwe kibo ingabuzwa kuNkulunkulu. Asifundiseni inzalo yethu eSouthern hemisphere esilayo lezazalwa ukuthi iziqaphele lezizigangi zase northern hemisphere.

Author - © Khulu Cont Mhlanga - 12th January 2022 

All Rights Reserved

Authorised publisher: #TheWalk