Ukuyathatha uKamakoti- Umtshado WeSintu Part 2. ---- #16

Umtshado weSintu ulemithimba emibili ngokweSiko le Sintu sakoMthwakazi. Nxa ususiba lomthimba owodwa usuphumile esikweni. Kuqala ngomthimba wokuThatha Umakoti kibo kamakoti owenzelwa ngakibo kamakoti.

Ujaha nxa sekwenziwe yonke imfanelo lemikhuba esiyibalise ngaphezulu okugoqela lokukhupha inxenye yamalobolo lokwakhela uMakoti wakhe indlu enhle engasoze iyangise abazali bakhe uJaha lo mhlazana womthimba lapha ekhaya, uyaphuma ke Ujaha ayethatha uMakoti wakhe kibo wakhe ngakibo kuyise lonina lakuzihlobo zakhe zonke isigaba sonke sibukele sizofakaza.

ITHIMBA LIKA JAHA

Ujaha uyakhetha acele izihlobo labangane bakhe abangamkhapha ayekibo kaMakoti. Laba bantu bangaba linani labantu abafika between 10 and 20. Kumele babe ngabesilisa kuphela.

Bekuphuma kuqala umuntu omdala loba ababili bayefika kuSosiqinti osebizwa Sobhuku ngenxa yokugciniswa amabhuku emithelo yamakhanda le izinja esiqintini ngamakhiwa.

Bafika bambikele uSosiqinti ukuthi kulethimba lakibo kaJaha elisendleleni liqonde esigabeni sakhe lizothatha uMakoti walo kozibani. Pho ke licela indawo yokufikela.

IZIHONQO THE WEDDING CAMPING SITE

Isiko kalibavumeli laba bantu ukufikela egumeni langakibo kaMakoti.Kalibavumeli njalo ukufikela egumeni lakweminye imizi lapha esigabeni. Bavunyelwa kuphela ukufikela at a camping site, okubizwa kuthiwe kusezihonqweni.

USosiqinti ke uzabiza abadala besigaba ababikele ngalelithimba elizayo kulesisigaba sabo. Kukhethwe I camp site lapho okuzafikela khona ithimba elivela kibo kaJaha lapha esigabeni. Lo othunyiweyo ayeyitshengiswa leyo ndawo. Atshengiswe lapha okukhiwakhona amanzi lomfula lamachibi asetshenziswayo lapha esigabeni,atshengiswe lezindawo ezihlonitshwayo ezamalinda omhlaba.

Kusukela lapho isizangena ke imibiko ezakhamizini ukuthi ngenyanga ethize kuzafika ithimba lakobani lizethatha uzibani wakobani lapha esigabeni sabo.

UKUHLANGANISA ABADINGA IMENDO

The whole social concept of a wedding camp yenzelwa ukuthi nxa ekhona amaqhikiza lapha esigabeni asebedinga amajaha ngoba bekulihlazo ukwendela eduzane langakini, sebezaqalisa ke amantombazana ukulungiselela ukubonakala kumaja azabuya lethimba lapha esigabeni. Kuzagezwa kuqalwe ukulungisa lokuthunga izimpahla zemiceco.

Ngale koJaha ayalungiselela lawo amajaha angakathathi ukuthi khonale abayakhona umuntu usengathola ofanele yena abengowakhe. Kuleli thimba vele nje kwakungafuneki abantu asebethethe. Uqhutshwa ngamajaha wodwa ngoba phela labo bafuna ukuyagamula induku enhle ekudeni. Kulapha okuphuma khona ukuthi induku enhle iganyulwa ezizweni. Imports are great, ungathathi next door.

SEZIBOTSHWA

Nxa esephuma la amajaha kubotshwa inqola loba izinqola ezimbili ezintathu ezokuthwala ukudla lezimpahla to the camp site. Phela lapha kuyabe kuhanjiwe ngoba kuzafika kulindwe abakibo bakaMakoti besalungisela umtanabo. Phela ngesiko kwakungaqaliswa amalungiselelo awomthimba kibo kaMakoti abakibo kajaha bengakafiki to camp lapha esigabeni. Abanye abadala would just take their time belungiselela umtanabo, a full month to two months. Lezifuyo ezizabulawa zidliwe khonala ezihonqweni ziyaqhutshwa zisuka kibo kajaha. Phela isibongo lesi is going to host the whole young population of ngakibo kaMakoti.

EZIHONQWENI ZETHIMBA

Khonangale ezihonqweni zaleli ithimba kuyabe kuzima ntambama kuhlatshelwa abantu besigaba abatsha kuphela bebuya bezebukela labo bagide belithimba lakibo kankazana kuncintiswana kukuhle kuzwakale ukuthi kulomtwana untanga wabo osesiyakwenda lapha esigabeni sabo. Kuyadliwa ke lapha the Ndebele barbeque kunuka itshiswa inyama ezihonqweni.

Athalaze angaqedi lapha amajaha emzini esedinga intonga zokugamula. Kusonywe izihonqo zonke kubezima, kubemnandi kubekuhle ngokusa lokutshona kwamalanga usuku lomthimba luze lufike ngakibo kankazana.

Ngale ngekhaya koMakothi amalungiselelo awosuku lomthimba wokukhupha uMakoti ayabe eseqalisile. Isigaba sonke siyabe sesihlokoma with the excitement of the forth coming wedding event. Ubumnandi umtshado weSintu sakoMthwakazi.

Umbuzo:

Kambe in this life yalezi nsuku were people have become global economic animals and not people, bangaki who can afford with time and money to host a two months long bridal camping event that entertains the whole young population of that community daily until the wedding day?

Today young people talk of a version of these traditional events called “white parties” and “bachelor parties”; tell you what, those are nothing compared to the traditional wedding event proper in style, cost and social impact.

Can today’s people afford ukubuyela emasikweni ethu awesizwe sikaMthwakazi anje?

© Khulu Cont Mhlanga - 1st December 2021 

All Rights Reserved

Authorised publishers - #TheWalk.