Umtshado WeSintu Part 2. ---- #14

Isingeniso somtshado WeSintu Part 2

Kasikunanzeleleni ukuthi kusukela ekukhombiseni kuzofika ekuColeni yisigaba sakuqala Part 1 sokulungiselela umtshado weSintu ngokweSiko likaMthwakazi. Okulandela ngemva kokuCola sekuyikulobola khona okwenziwa sekugaxwe imigaxo emagumeni alaba esebengena kusigaba sesibili Part 2 somtshado weSintu. Akulotsholwa kungaka botshwa imigaxo. Akubotshwa imigaxo kungakaColwa. AkuColwa kungakhonjiswananga kwavelwa ndawo zombili.

Isigaba sesibili sona ke sesiphathelene lokuThatha kuka jaha loKwenda kukankazana. Lokhu kokubili kwenziwa ngomtshado. Akulakuthatha lokwenda ngeSiko le Sintu sakoMthwakazi kungela mtshado. Kungenzeka lokho kubizwa kuthiwe “Nguvuka Ekhona” ngeSintu sesizwe samaKaranga kaTshibi bakuthi “Mapoto” okuvelakhona isikhathesi sokuthi batshaya Amapoto. Kulihlazo elikhulu lokhu kulaba abathethene ngamapoto kubazali babo, kwaboSendo lwabo, kumdeni yabo, emadlozini abo lakuNkulunkulu.

Ukuzihlanganisa kwabo lokhu is cursed, their union is cursed ngakho abantwana abazaphuma in this type of union are cursed, njalo labo bazazala abantwana who are cursed. Kulapho okuphehlwa khona amathunzi omnyama. Umnyama lo odalwa yikuvela in a cursed family yiwo owenza abantu abanengi babhode izinyanga labaporofithi baziqede dhu, loba bahlale bengabathandazayo emacaweni lapha bangaqedi loba bangatshayisi ngoba phela they are cursed vele uNkulunkulu kabezwa. Umnyama ophehlwa from being born cursed kawelapheki njalo kawugezeki. Ugezwa ngokubuyela emuva kuyiwe qeda umlandu wokuthathana ngaphandle kweSiko le Sintu somtshado lapho owadaleka khona.

Ukudabuka kokutshaya Amapoto koMthwakazi

Kesigcwalise ukuduma kwesitsho esithi “ukutshaya amapoto” sabaKaranga. INkosi uMzilikazi uthe efika lamaHlabezulu kulelilizwe wasedinga ukuthi isizwe sakhe sande siqhele ngokuphangisa. Ukuqhela kwesizwe yikuthi amajaha athathe abafazi kuthi labo abenelisayo bathethe abanengi , isithembo phela.

Ngakho ke kwalungiswa okweSiko le Sintu sakuleli lizwe ukuthi aMahlabezulu athathe kuziphi izizwe ngokuhlangana lokuvumelana kwazo ukuhlalisana lokwakhelena okuyikho okwasungulisa kwaqinisa iSiko likaMthwakazi.

Kabazange ke bakulungise ukuthi bathathelane lamaZezuru kusiya le kumaKorekore ngoba lezizizwe zazikhatshana kufika ngapha abahamba ngezokuthengisa kuphela. AmaKaranga akaTshibi yibo bodwa okwakulesivumelwano sokwendiselana labo.

Kuthe ekuchithekeni kombuso kaMthwakazi (please note that its incorrect to say ekuchithekeni kombuso wamaNdebele) ngo 1893, amaZezuru lama Korekore abuya labelungu azaqalisa ukuhlala koMthwakazi. Baqala ke ukukhombisa amankazana akoMthwakazi.

Babesala ke lokho abadala ukuthi abantwababo bakhombe amaZezuru lama Korekore la ayesehlala lapha koBulawayo besithi bayizinja zamakhiwa ababuyelabo lapha koBulawayo bezobancedisa ukuwisa umbuso kaMthwakazi. Babesithi abadala abantwababo bangathathwa yizinja zamakhiwa lezi....kuthi abangabafana bangembuli umsila wenja.

Lokhu kwakusenza ukuthi uMthwakazi lomZezuru bangakhombana kubezima ukuthi batshade umtshado weSintu lange Siko lakoMthwakazi, besebethathana nje laba bahlale ndawonye. Kwasekuvela lapho ukuthi untombazana wakoMthwakazi angayahlalo kanjalo loMzezuru wakhe kuthiwe batshaya amapoto sebekubiza ngesiKaranga abadala. Lamhlanje sekwande amapoto wodwa indawana yonke yakoMthwakazi.

Nansi isixwayiso majaha lezintombi.

ISixwayiso:

ISiko lidala. ISiko linguye uNkulunkulu. Lingahlangani lithathane lizale abantwana ngaphandle komtshado ikakhulu isigaba sakuqala Part 1, esiphetha ngokuCola lokuGaxa.

You are cursing inzalo yakho and their generations to come. Akula budevuli lomoya omubi ololunya owedlula ukwenza lokho ngoba akubophi lina kuphela elitshaya lawo mapoto, kubopha uSendo lwenu lonke kusukela kini going forward.

Asingeneni ke esigabeni sesibili somtshado weSintu Part 2

© Khulu Cont Mhlanga - 17 November 2021

All Rights Reserved

Authorised publishers: #TheWalk