UKuCola...Umtshado WeSintu Part 1.  ---- #13

Ujaha angakhombisa akhonjwe avele kulandela isigaba sokuCola kumtshado weSintu. UkuCola kuza kungakenziwa lutho lapha egumeni mayelana lokutshadisa laba bobabili.

UkuCola yikuhlanganisa laba asebevumelane ukukhula emadlozini lakuNkulunkulu. Isifungo lesithembiso sokuhlangana lesi ngomtshado sibotshwa mfi ngeqhele eligcinwa ngomama balaba abahlanganiswayo ngokomtshado, lesi sithembiso sokuthathana ngomtshado sibikwe emaDlozini lakuNkulunkulu ngeNyongo yembuzi.

Iqhele leli lenyongo le yembuzi imela ukuthi okubotshwe  lapha emhlabeni kubotshwe lasemaDlozini lakuNkulunkulu. NgeSiko lesizwe samaNdebele leli lembu liyabotshwa libe nguMgaxo ozakhutshwa ngesikhungo umakoti eseMekezile wangena egumeni waphelela.

Kukanti ngeSiko lesinye sesizwe esabayinxenye yezizwe ezibumba uMthwakazi isizwe sabeTshabi bakaTshibi amaKaranga aseNyanda, bona iqhele leli bayalibopha esiswini kabaligaxi ehlombe elilodwa njengabe sizwe samaNdebele.

Ukuphuma kwamantombazana amanengi avela kusizwe sabeTshabi bezokwenda kusizwe samaHlabezulu AmaNdebele yikho okwangenisa iSiko leqhele likamama elibotshwa esiswini eSintwini sikaMthwakazi. Kanjalo isiko loMgaxo leqhele lika mama elesisu laqala ukuvubana abantu baqala ukukubiza  santonye koMthwakazi.

UMgaxo le Qhele lika mama yikho obekuqinisa umuzi walaba abatshadayo ukuze ungachitheki lula ngoba uyabe uhlaliswe wabotshwa lapha emhlabeni in the physical world lasemaDlozini lakuNkulunkulu in the spiritual world. Lokhu ke kusenziwa nge process yokuCola.

ISiko leSintu soMgaxo le Qhele labomama, umama kajaha ugaxela umakoti kuthi umama kamakoti ugaxela umkhwenyana, leli Siko selisiya lisifa liphela koMthwakazi. Kukanti ke yilo isiko eliqakatheke okwedlula yonke into eyenziwayo ekutshadeni kwalaba bobabili.

Khathesi omalukazana labo mamazala koMthwakazi sebebona ukugaxa lokubopha iqhele befunga phambi kwabomdeni wakibo lakuNkulunkulu ngokutshadisa lokuhlangana kwalaba ababili abalala eziswini zabo hatshi izisu zomunye umuntu sekuyisidala esiyangisayo. Abanengi omalukazana labomamazala sebekhwabithela umtshado kaVukangikhona.

Khangelani ke ukuthi imitshado yakulezi nsuku engabikwa emaDlozini lakuNkulunkulu ngeSintu langeSiko elipheleleyo ichitheka njani. Umtshado sekuyikudlala amadlwane nje ngoba batshada bekwazi ukuthi bazavuka besiyawesula kanjalo lula nje.

Isixwayiso:

UKucolwa ujaha uyakibo kankazana eqhuba inkomo kamama yoHlanga leyonkomo ifike ithelwe ngotshwala bamabele amhlophe aweWohlo, besekusithi ujaha ahlatshelwe imbuzi emhlophe athelwe inyongo yayo agaxelwe nguninazala laye agaxe ngokuvunula isiphika esizahlala emahlombe akhe womabili. Sekufike abelungu isiphika sesikhumba sakhutshulwa samelwa libhatshi endaweni yaso.
Besokusuka unkazana ayekibo kajaha laye afike ahlatshelwe imbuzi athelwe inyongo yayo uninazala abophe ke umgaxo kuthi laye umakothi abophe umgaxo kaninazala.

Besokuqalisa ke lapho ukukhulunywa ngezinhlawulo thize kuze kuyecina ngamalobolo kuze kuyephethwa ngomtshado, amaqhele asesethulwa ngezikhungo thize abekwe enjalo ebotshiwe lapho azahlala khona. Asebenza only nxa sekuvela okufuna ukuchitha lo umtshado lomuzi walaba abahlanganiswe ngokwe Siko.

ISiko leSintu sonke silendlela  yaso and procedures to update and bring it to modern trends and conditions that become an agreement of change between abomdeni lo Nkulunkulu labantu lapha emhlabeni.

Kaliphongu lahlwa nje Isiko ngoba it was created and established for  very specific strong reasons ekuphileni lasekuhlalisaneni kwabantu okungedluliyo. Loba sekungene ntuthuko kumbe nguquko bani yokuphila kwabantu.....kulezinto ezihlanganisa abantu ezingaguqukiyo ezifana lokuthi....people will always eat......people will always keep animals....people will always have sex......people will always learn......izinto ezinjalo. AmaSiko le Sintu ahlalisa kuhle abantu ngalezizinto ezingaguqukiyo ekuphileni kwabantu.

Ngakho majaha lezintombi lingabona iSiko leSizwe sakini lingasekho comfortable to practice it in your current conditions......just find the correct ways and processes to upgrade and or update it.
Lingaphongulilahla nje lina lingasoze lifake lutho endaweni yalelo Siko. Kuzangena inkalakatha yodubo khonapho elinyomule khona lelo Siko, kudale uhlupho elingasoze lwaluqeda ngoba uhlupho luzala olunye uhlupho njalo masinya in very large volumes. Siyachitheka isizwe lingenza njalo libeyizigqili lezinja zezizwe zabanye abaphethe amaSiko abo continuously updating and upgrading them to meet their current conditions.

© Khulu Cont Mhlanga - 3 November 2021

All Rights Reserved

Authorised publishers: #TheWalk