ISintu soku Phendulela Imbeleko leSintu soku Misa

Zimbili izizatho ezenza ekhaya kuzalwe uVusumuzi ngokwesiko lakoMthwakazi. Yikuphendulela imbeleko lokumisa. Kokubili lokhu kubangwa yikuthi sekudingakala ukuthi kuzalwe umtwana thize lapha ekhaya ngoba nxa engatholakalanga lowo mtwana kusobala ukuthi umuzi lo kamnumzane usulanda ukuyatshabalala.

Indoda ingathatha umfazi babusiswe ngamantombazane wodwa phakathi komuzi, sekusonakala lapha kuleli ikhaya.  Ngenxa yesiko lokuthi amantombazana ekhaya ayaphuma ayekuba ngumlilo wokumisa imizi emitsha kwezinye izibongo, lokhu kusitsho ukuthi lapha ekhaya kuzaphetha kungelamuntu ozakuyacela umlilo kuzokwakhiwa umuzi omutsha isibongo losendo lukamnumzane walapha ekhaya lwande lungapheli. Ukuzala amankazana wodwa kuyawubulala uphele umuzi wendoda.

Ngalokho sekusenziwa iSintu sokucela umfana lapha kulo umuzi ukuze umuzi walo umnumzane ungatshabalali ngoba sekukhomba ukuthi uzatshabalala. Angatholakala umfana ......hawu bantu usetholakele uVusumuzi.

Kunjalo lapha ekhaya abathetheneyo bangaswela ukuthola umtwana okwesikhathi eside kuyazanywa iSintu sokumisa. Sekungadonsa iminyaka umuntu emiswa.  UNkulunkulu angavuma bathole umtwana ikakhulu umfana.....hawu bantu nguye lo uVusumuzi.

Lapha sithi the context of ukuvusa umuzi kababa kayikho ekuthatheni nje umfazi kodwa isekutholeni umtwana ongumfana phakathi komuzi ukuze isibongo losendo lukamnumzane walomuzi lungafi luphele emhlabeni. Kawubi nguVusumuzi ngoba usukhonjiwe wathatha.

Bakhona abantu abalesiko whose main objective yikuthi umfazi othathwayo lapha ekhaya azovusa umuzi wesihlobo sabantu abalapha ekhaya, hatshi ukuthi ayekwakha owakhe umuzi lalo asetshadalaye. Lolusiko ludumile kakhulu ezizweni zamaShona. Ngokuya kwesikhathi sizakuya lapho siyebona ukuthi bona balusebenzisa njani lolusiko olokuvusa umuzi, abezizwe zamaShona.

© Khulu Cont Mhlanga - 29 September 2021

All Rights Reserved

Authorised publishers: #TheWalk