UMkhosi Wokubutha uMlotha eNjelele ---- #09

Inyanga kaSeptember ngeviki yayo yokucina ngolweSihlanu loba ngoMgqibelo wokucina kubakhona iSiko lezulu koMthwakazi elibizwa ngokuthi Yikubutha Umlotha.

LeliSiko liphathelene labaHambi Bendlela abaya eLitsheni besisa iZibiko eziphathelene lezulu ezivela eziGabeni zonke zakoMthwakazi. Abahambi beNdlela yibona abaxhaswa ngamaWosana ezigaba abayakhulekela izulu eNtabeni.

Kusukela ngenyanga kaAugust abaHambi beNdlela lamaWosana bayabe besiyangenisa iZibiko leNkezo zabo eLitsheni becelela iziGaba zabo izulu elaneleyo njalo elina kuhle livuthise izilimo.
 Ngamanye amalanga kusukela ngesikhathi sikaAugust ikakhulu ngomKhosi weNkezo zikhala ilanga lize liphume phezulu eNtabeni. Kubaswa imililo phezulu eNtabeni sonke isikhathi nxa kuyiwa lala phezulu kuthi imilotha yakhona kayibuthwa ngokomkhuba, yiyo le ebuthwa kanye ngomnyaka ngawolo uMkhosi Wokubutha Umlotha.

AmaWosana amadala yiwo wodwa elelungelo lokubutha uMlotha eLitsheni ngemva komgido wokuvala intaba.

ISiko le Sintu sokucela izulu lidala kulelilizwe lakoMthwakazi. Zonke izibongo ezitholakala lapha koMthwakazi zilobukhosi besibongo saso esomdeni waleso sibongo. Leso sibongo sibalomuntu onguMhambi weNdlela esiya eLitsheni. NgokweSiko isibongo ngesibongo sifanele sibelongowaso okhokhela abaleso sibongo othandazela izulu eLitsheni.

Kutsho ukuthi kuloleli iviki ngomGqibelo kuyavalwa eNjelele okomsebenzi wokucela izulu.

Isixhwayiso:

AmaSiko le Sintu sakoMthwakazi kulezi izinsuku sesikhokhelelwa ngamaSebhuku labaLisa abasilelayo kakhulu ngolwazi lwamaSiko le Sintu. Uzathola ukuthi kwezinye izigaba amaSebhuku ahlanganisa abantu after September ukuthi batshaye izimali bathumele abantu eNjelele bayebacelela izulu.

Liphutha elikhulu lelo ngoba kanti labo bantu bazakuba besiyakuyiphi iNjelele ngemva kokubutha uMlotha eNjelele sekuvaliwe okokucela izulu eLitsheni okwalowo mnyaka. AmaSebhuku labaLisa akumelanga bakuvumele lokho. Yibo okumele baqondise uMphakathi.

Lokhu okokuhambela izulu kwenziwa ngo August lango September kuphela hatshi after October kusiyaphambili.

ISintu sihlelekile kakhulu Mthwakazi. Asikho mixed up. Sihamba nge strict timetable, processes and procedures.

© Khulu Cont Mhlanga - 22 September 2021

All Rights Reserved

Authorised publishers: #TheWalk