ISintu soMgubho weSilo UMzilikazi

Ngeviki yakuqala kuthwase yonale inyanga esikiyo August, kuleSintu esiqakathekileyo esakoMthwakazi esiqala ukulungiselelwa. Lesi yiSintu soMgubho weSilo UMzilikazi esiGodlweni koBulawayo laseNtumbane emthunzini weSilo.

(Imvuselelo yalo Mgubho ilokhe ihlelwa koBulawayo njenge zolo, kodwa ususenzelwa eMhlahlandlela, hatshi Entumbane njenge zolo uMthwakazi esahlezi.)

Kuqakathekile ukuthi sikunanzelele ukuthi ukuhlela uMgubho kuqhutshwa ngokomkhuba weSintu sakoMthwakazi ngoba yisikhumbuzo seSilo phela lesi hatshi eso muntukazana ophuma egumeni lakhe. Ngalokho ke uMgubho ukhokhelwa yiNkosi yakoMthwakazi ephetheyo ngaleso sikhathi.

Sinanzelele njalo ukuthi ukuhlela kulandelwa ukuthwasa kwenyanga kungoba uMgubho ngumkhosi weSizwe ngakho inyanga nxa ithwasa kubona, kwazi iSizwe sonke, wonke umuntu ophethe la amalungiselelo ahle azi ukuthi isikhathi sesifikile, Its time to move. Phela iSizwe besibanzi, abantu behleli khatshana lakhatshana njalo kungekho the communication technologies and platforms esezikhona kulezinsuku.

Okwesibili yikuthi umkhokheli weSizwe njalo lokewakhokhela iSizwe imisebenzi yakhe yonke kayehlukaniswa lekhalenda yeNjelele ngoba kuyiyo ikhalenda kaNkulunkulu ekuphileni kulo umhlaba wakhe onguMthwakazi.

Ngakho ke kuhamba phambili ukuGezisa iNjelele le Mitolo, besekusungulwa amalungiselelo awoMgubho weSilo. Kusenziwa la amalungiselelo kuqala ngokuyabika eLitsheni, kuwe inkuzi yeBhidi. Ngemva kwalokhu ukubika yasuka yahlala eyoMgubo weSilo.

UMgubho weSilo ulungiselelwa ngabakhokheli beziGodi labakhokheli beZabelo, beqhuba phambili abakhokheli bamathimba eziGodi le Zabelo zabo.

IziGodi zikhokhelwa Zinduna zeziGodi hatshi iZinduna zamaButho eziGodi. IZabelo zikhokhelwa ziNkosi zemihlobo thize yabantu abahlala kuleso Sabelo, kuyilezi Nkosi ezikhothama kuSilo.

Ngalonaleli iviki laba bantu bayadidizela balungiselela ukusukuma baqonde esiGodlweni sikaMthwakazi koBulawayo.

Bazaze bayephenduka emzini yabo ngemva kwoMkhosi woMgubho, bexhumana lamathimba abalapho abavela khona ngezigijimi kuphela.

Lapha koMthwakazi kulemiGubho emibili eyiSintu seSizwe okufanele abakhokheli beZigodi le Zabelo bayihlele mnyaka yonke. NgumGumbho weSilo esidala uMzilikazi lomGubho weSilo esincane uLobhengula.

© Khulu Cont Mhlanga - 12th August 2021

All rights reserved.

Authorised publishers: #TheWalk