INduku YoSendo---- #06

Kuyini Induku?

Induku loba Intonga ibazwa from a tree yenziwe ibelesiduku. Esinye isiduku sigejwa phansi, kuthi esinye isiduku siphume kumbaxa yogatsha lwesigodo, kuthi esinye isiduku sibazwe siphume kilo ugodo oluqondileyo lunjalo.

Ezinye zibazwa zibende, kuthi ezinye zibazwe zibemfitshane kusiya ngokuthi umsebenzi waleyo nduku ngowani. Abaphatha induku ngabafana, amadoda lamakhehla kusiya ngokuthi lowo mayiphatha ufuna ukuyisebenzisani.

Kuba lemihlobo yezihlahla ezehlukeneyo okubazwa kuzo induku ezinhle eziba ligugu kubanikazi bazo.

INduku yoSendo

Idaleka kutheni induku yoSendo? Induku yoSendo iqalela mhla ijaha liphuma kwabo lisiyacela umlilo wokusungula owalo umuzi.

UBigboy Ndebele nxa esefuna ukusungula olwakhe uSendo uyacela umlilo koDube. Kungavumakala abakoDube bemukela ukangaziwe kwabako Ndebele besebekhulula umtanabo ayeColwa koNdebele emukelwe kuSendo lukaNdebele ngesenzo sokuColwa leso.

Mhlazana uBigboy Ndebele lo Nomathamsanqa Dube besiyatshayelwa ihlahla lokusungula elabo iguma kumhlalokho iNduku kaBigboy yokudabula uSendo lwakhe isihlalisiwe ngabakoNdebele.

Kuyini uSendo?

USendo ngabantwana bendoda abazala esaphila kulo umhlaba lonkosikazi wakhe loba amakhosikazi akhe if they are more than one. Uyise kaBigboy Ndebele uMahlathini olwakhe uSendo lulabantwana abangu 8, uBigboy engunamba 4 kubantwana bakaMahlathini. Yilo uSendo lukaMahlathini lolu lapha emhlabeni. Luzakubakhona emhlabeni kuze kuyekwedlula the last of his eight children laba.
Ibala elithi 'usendo' livela kubala elithi "isende" kusitsho abaphuma sende linye kubaba.

Each of his eight children bazakhula labo bayedala ngamunye ngamunye uSendo lwakhe. Kukanti uSendo lwangakibo kamaHlathini lona lwalulabantwana abangu 5. Okwamanje sebesele bebabili kuphela uMahlathini lomnawakhe owesifazi uAunt kaBigboy. Uyise lonina kaMahlathini sebedlula kulo umhlaba.

Ngakho ke aboSendo lunye babakhona emhlabeni babuye bedlule baphele besebesiya ku spiritual world bayekuba nguMdeni bendawonye labanye aboMdeni wabo kuNkulunkulu uMdali wezulu lomhlaba.

Lapho okusebenza khona iNduku yoSendo yikuthi abantwana laba kabafi bonke kanyekanye ngakho bazalifuna ekuphileni kwabo iguma elibayingakibo after uyise lo nina wabo sebedlule kulo umhlaba bona basala, ngoba azabakhona amacala, amadale, izindaba lemicimbi yangakibo lezizinto ezizafuna ukuthi zizolungiselwa egumeni langakibo elikayise lonina wabo.

It is therefore to their interest ukulondoloza leyo ngakibo after uyise lonina sebedlule kulo umhlaba until the last one of their siblings. Uqala lapho ke umsebenzi weNduku ekudluleni kukayise walaba bantwana emhlabeni.

INduku Iyadluliswa

Indoda yonke emise umuziwayo ngokoSiko lwakoMthwakazi nxa isibekwa kungathi yedlule kulo umhlaba iNduku yakhe is passed on to the eldest of his sons. Lokhu kwenziwa phambi koMphakathi mhlazana ebekwa ethuneni lakhe. The son is given  iNduku kayise ame eyiphethe emakhanda kayise ukuze wonke umuntu azi ukuthi umnini muzi lo osetshonile usesiyahlala kwelikabani iguma kunzalo yakhe. Lowo mtwana usezathatha iNduku kayise after the funeral ayeyigcina kuhle, ukuze inzalo yakhe izoyisebenzisa ikuye lo umtwana should the need arise.

UMahlathini Ndebele okwamanje uleNduku kayise egumeni lakhe ngoba he was Mahlathini's eldest son onguye owemukela iNduku kayise.
Eyakhe iNduku uMahlathini useselayo kodwa sekusaziwa ukuthi izakuya kumfana wakhe owelanywa nguBigboy unamba 3 kubantwabakhe uZwelithini ngoba his eldest son izibulo lakhe watshona, kuthi the second child ngumfazi sowenda wayakuba lilahle lomlilo wokudala uSendo koHlabangane.

Ngakho ke lapha koNdebele akula dubo lwabazali okuthiwa basegangeni bayakhala after sebedlule lapha emhlabeni. Sasikuzwe kanengi ukuthi abantu bahlutshwa nguyise wabo lonina wabo ukuthi basegangeni bona bezele batshiya abantwana abakholisayo lapha emhlabeni. Kubangwa yikuthi iNduku kababa walaba bantwana iyabe ingekho ndawo in his list of sons.

Sasikuzwe njalo ukuthi abazali bazondele inzalo yabo ukuthi kungani beyekela impahla zamandla abo zichitheka. Same cause .....indaba yeNduku that is not known ukuthi ihlezi egumeni likabani okweSiko lakoMthwakazi. Kwesinye isikhathi konke lokhu kugoqelwa ngebala elilodwa elithi izinto ziyalibhedela bantwana ngoba abazali benu kabaBiswanga.

Ukulahleka koSiko lweNduku yoSendo

ISiko liphethwe kuhle ngapha ngakoBigboy akufani lakonina koMasuku. Yisiphenyuphenyu ngakibo kaSupergirl. Uyise kaSupergirl uMpompi Masuku wayelisotsha elikhulu njalo esebenza zima ekhaliphile. Umuzi wakhe wabase farm yakhe eNyamayendlovu..wayavula ibhuzimusi lakhe eSigodini ezitolo lebhawa yakoMpompi. Wabusiswa ngabantwana abahlanu kuSendo lwakhe uMpompi, uSupergirl lizibulo eselanywa ngumfana uMuzi besekusiza amantombazane amabili besekucina umfana olokhe esesikolo.

UMpompi kwaqala ngokutshona umkakhe kwasekulandela yena ngemva kweminyaka emibili. INduku yakhe kwakumele iphiwe uMuzi ohlala eSouth Africa lapho asebenza khona ongasazange afike ekhaya uyise ebekwa ngezizatho zakhe kwathi induku kayise uMpompi yasibanjiswa umfowabo kaMpompi uPhathisani ngoba umfana wokucina kaMpompi wayegula kakhulu esesibhedlela uyise encwatshwa. Ngakho ke iNduku kaMpompi kayikho kuSendo lwakhe ikumfowabo uPhathisani Masuku.

Kukanti vele uMpompi as the eldest son ngakibo and his two brothers kabazange bathathe iNduku kayise wabo ngoba uyise wabo wabaleka emzini wakhe watshiya yonke impahla yakhe ichitheka kunye leNduku zakhe lezikayise wakhe ngesikhathi sombhuqazwe weGugurahundi wayafela koBulawayo.

Ngoba uyise kaMpompi wayesencwatshwa esikhiweni sempucuko abantwabakhe balithatha kancane leliSiko lokumela uyise emakhanda ngeNduku yakhe. Lalahleka ke kanjalo leliSiko koMpompi Masuku.UMpompi usesegangeni ngoba umtanakhe uMuzi kazange abuye ekhaya uyise ebekwa ethi kabamnikanga I off emsebenzini wakhe eSA in good time ukuthi anelise ukuzobamba umngcwabo kayise.

 Khathesi sekuzima ukuthi uMuzi ayithathe iNduku kayise kuyise omncane uPhathisani osetshaphaza amandla kaMpompi, izifuyo zikaMpompi eNyamayendlovu lezakhiwo zamabhizimusi eSigodini koMpompi. Ngalesi senzo sikaPhathisani kabasahlangani bezwane bathandane aboSendo lwangakibo kaMpompi konke lolwakhe uMpompi ngoba sebesola ukuyekethisa komunye wabo uMuzi. Akusela thando lokuhloniphana lokubandawonye kuSendo lukaMpompi.

Umsebenzi weNduku

Induku yoSendo yiyo ehlanganisa abantwana boSendo lwendoda in love respect and togetherness nxa uyise wabo engasekho ngoba ngeSiko lako Mthwakazi ubaba is the ultimate authority kunzalo yakhe. Nguye oyihlanganisa lo Nkulunkulu laboMdeni wakhe and no one else.

UNkulunkulu according to Mthwakazi thought kahlangani lomuntu ongalethwa kuye nguyise wakhe omzalayo lapha emhlabeni kunye lonina wakhe ngesiko labo abazali ngoba umuntu onjalo uqalekisiwe phambi kukaNkulunkulu.

It is for this reason ukuthi the role and responsibility kababa kayedluli emhlabeni loba yena engasekho until the last child ebantwaneni abaletha kulo umhlaba aze edlule. Through iNduku le ephethwe ngomunye wabantwabakhe ubaba remains present to attend to all matters zabantwabakhe.

Khangela manje sekudinga the authority yomzali koMasuku ukuthi kukhuzwe uPhathisani kodwa abaselaKhaya to do that. Sokumele babophisane kumthetho we Roman Dutch law lokhu okuzabenza bazondane behlukane even worse beluSendo.

The role yeNduku as the continuation of family authority to bring love, respect and togetherness in this family unit besaphila kulo umhlaba kayisekho lapha koMasuku.

INduku as  a Communication Science

Kungabulawa inkomo ihlinzwe esibayeni kutshiywe igazilayo lomswane wayo kunjalo, ezinye inkomo zingafika lapho zingatshelwanga yileyo nkomo efileyo ukuthi ife ngesivumelwano sayo lomayifuya ezinye inkomo zifika lapho ehlinzelwe khona zenze iziga, zibongolele kuze lezabomakhelwane sekungalwiwa kulimale kumbe kufe ezinye inkomo. This happens just because akula communication between inkomo ebuleweyo lalezi eziphilayo.

Kodwa umahlinza angathatha the liquid yenyongo ayihlanganise legazi and the solid yotshani from inkomo le esibulewe akuthele lapho akutshiye lapha ahlinzele khona, nxa ezinye inkomo zifika lapho kubale instant communication between inkomo efileyo leziphilayo ukuthi zingakhathazeki ngoba yonake ibulewe ngesivumelwano sayo lomfuyi wayo. Kubalokuthula lothando luqhubeke kunkomo ezisesibayeni. Amazing communication science ephilayo bantu bakithi.

Kunjalo ke ngale iNduku yoSendo. It functions as a communication handset in a similar fashion between relatives in the physical and spiritual worlds. Okuhlangana lapha is the liquid in form of igazi lika baba esandleni sokudla legazi likamama esandleni senxele and the solid from the tree eyiNduku. At times kwabanye bengeza the grass/plant solid ayaziwa ngokuthi ligwayi elibucuziweyo while others add the liquid that is water. The effect and result yokuhlanganisa lokhu is instant communication science.

Ukuphetha yilokhu:

USendo simply means a family unit of children from ubaba oyedwa labomama azele labo if its more than one woman.

Isizatho sokuqakathekisa uSendo yikudinga ukwakha uthando, inhlonipho lobundawonye in the family unit. Ukuthokoza lokukhala ndawonye kwabantwana abayimuli eyodwa.

INduku is a handset communication tool and  extended parenthood, authority and responsibilities zabazali abangabadabuli boSendo lolo bebahlanganisa lemideni yabo loNkulunkulu.

Amazwi okwehlukana:

1.     Nxa uyindoda uNkulunkulu ethe wakubusisa ngezingane abafana lamankazana woba leNduku yakho oyithandayo abantwabakho abazayazi izeyaziwe ngophila labo. Yiyo ezamela uSendo lwakho kuMdali laboMdeni wakho.

2.     Nxa lingabantwana bendoda abafana lamankazana lisabusisiwe uyihlo engakatshoni, hlalani lisazi ukuthi the eldest of his sons nguye ofanele emukele iNduku yoSendo lwangakini mhlazana kubekwa uyihlo. Kufanele limlinde lowo mtwana aze afike lingakabeki uyihlo. Phela nguye lo umntwana ozakhokhelela uMbiso kayihlo, aphinde ngeNduku efanayo emengayo emakhanda kamama wenu nxa ubaba ethe wahamba kuqala, aphinde akhokhelele uMbiso kamama wenu.

3.     Nxa uzazi ukuthi nguwe on the line yokwemukela iNduku yoSendo lukayihlo make yourself available ekubekweni kwakhe as soon as you can. Kumele ubeleguma lapho okuzahlala khona iNduku yomdeni wakwenu ndawonye leyakho iNduku.

4.     Nxa lithe labalaye the eldest of the sons wemukela iNduku kayihlo kumele likwazi lonke ukuthi every 3 years liyahlangana lonke abantwabakhe egumeni elileNduku kayihlo lamakhosikazi labomkenu konke labantwabenu to celebrate uSendo lwenu in love, respect and togetherness and take time to introduce each other to everyone in this big bash ebizwa ngokuthi nguMthethelo.

Lingenzanjalo liphakamise iSiko le Sintu seNduku yoSendo yikho ukuphakamisa uBuntu lokuba nguMthwakazi oqotho ondlela zoSendo lwakhe zimhlophe. Khumbula ukuthi you cannot have uBuntu nxa kungela iSintu sakhona ngoba yiso esibumba uBuntu.
Asiyeni phambili ngoBuntu.

© Khulu Cont Mhlanga - 4 September 2021

All Rights Reserved.

Authorised publishers: #TheWalk