ISiko lamaKhoba lokuGezisa IMitolo

21 July minyaka yonke kuqala umsebenzi wesizwe owokulungiselela ukuna kwezulu kuzigaba ezehlukeneyo zakoMthwakazi.

Kuqaliswa imisebenzi yemigido yokugezisa Amalinda leMitolo ephathelene lezezulu ezigabeni zonke zakoMthwakazi.

Umkhosi lo uqala mhlaka 21 July ngoMkhosi wokugezisa INjelele. Lonyaka ka2021, u21 July uwele phezu kwangolweSithathu, ilanga lezilo lokuphela kweviki ngeSintu sakoMthwakazi. NgeSintu sakoMthwakazi iviki kalipheli ngosuku olwabekwa ngamaRoma. Ngakho ke lonyaka INjelele yazageziswa ngelanga elilandelayo mhlaka 22 July.

Lo uMkhosi wokugezisa INjelele uvulela imiKhosi yokuGezisa Imitolo ezweni lonke lakoMthwakazi.

Izigaba kufanele zigezise IMitolo yazo zingakakhuphi abaHambi Bendlela bezigaba zabo ukuthi baye Nathisa Inkezo zabo eNjelele.

Utshwala bokuGezisa Imitolo bugwaqwa ngamaWosana ezigaba besebenzisa amabele Amakhoba aphuma ezakhamizini ezingabalimi nxa bebhula amabele ezizeni. Bunathelwa khona eMitolo hatshi emakhaya.

Loluhlelo lokuGezisa iMitolo luzaqhubeka eZigabeni zakoMthwakazi kuze kuye phela inyanga kaAugust.

Kungumlandu wamaSebhuku abizwa ngokuthiwa ngoSihlahla ukuthi bakhokhelele lo umsebenzi beqoqa zonke izakhamizi ukuthi ziphatheke kuleliSiko lokucela izulu kuNkulunkulu.

© Khulu Cont Mhlanga - 08/08/2021

All Rights Reserved

Authorised publisher: #TheWalk